447 mjekë dhe infermierë, të cilët janë në ballë të luftës kundër COVID-19, kanë marrë deri tani dozën e parë të vaksinës Pfizer në Shqipëri.
Në nisje të javës së dytë të vaksinimit, e cila ka vijuar sot me 42 mjekë dhe infermierë, personel shëndetësor në pavionin COVID të Pediatrisë, ku trajtohen fëmijët e prekur nga COVID19, ka qenë e pranishme për inspektim edhe ministrja e Shëndetësisë Ogerta Manastirliu.
Nga “Air Albania” Manastirliu tha se do të vijohet me vaksinimin e kombinuar, sipas planit kombëtar të vaksinimit antiCOVID.
“Do të vijojmë me administrimin e vaksinës sipas planeve tona, qoftë përsa i përket marrëveshjes me Pfizer dhe gjithashtu edhe marrëveshjes me Covax-in. Do të kemi një informacion më të detajuar për lëvrimin e dozave të Covax, shpresojmë brenda kësaj jave, për të vijuar pikërisht edhe me planin tonë të vaksinimit për kategoritë e riskuara, që janë mjekët dhe infermierët, gjithashtu me vaksinimin e të moshuarive në Shtëpitë e të Moshuarve si edhe me vaksinimin e kombinuar duke vijuar me të moshuarit mbi 75 vjeç”, tha Manastirliu.
Ndër mjekët që u vaksinuan sot ishte edhe drejtoresha e Pediatrisë, Gjeorgjina Kuli.
K.T.//ReportTv.al
