Deri më tani në vendin tonë 549 personel shëndetësor kanë marrë dozën e parë të vaksinës anti COVID.
Është vetë Ministrja e Shëndetësisë që e bën me dije një gjë të tillë. Përmes një postimi në Facebook, Manastirliu shkruan se mjekët Prof. Eqerem Hasani dhe Prof. Mira Kola sapo kanë kryer vaksinën antiCovid dhe sot janë më të mbrojtur nga virusi.
Postimi i Ministres Manastirliu:
Jam e kënaqur që prof. Eqerem Hasani, prof. Mira Kola dhe mjekët e shërbimeve delikate të urgjencës dhe reanimacionit sapo kanë bërë vaksinën antiCOVID në Qendrën e Vaksinimit në Stadiumin Air Albania dhe sot janë më të mbrojtur nga virusi i rrezikshëm. 549 mjekë dhe infermierë të vijës së parë të betejës me COVID19 kanë kryer deri tani dozën e parë të vaksinës antiCOVID. Shqipëria Buzëqesh!
E.M./ReportTv.al
