Komisioni i Disiplinës pranë Federatës Shqiptare të Futbollit ka marrë vendimet në bazë të javës së fundit të aktivitetit. Plot 44 vendime nga Disiplina, që më së shumti ka parë probleme te moshat.
Sa i takon Superligës, Skënderbeu është dënuar me gjobë për shkak të sjelljes jo të duhur nga tifozët. Nga ana tjetër, zv.presidenti i Laçit, Kleo Laska është pezulluar me katër ndeshje për sjellje josportive ndaj zyrtarëve të sfidës.
Në Kategorinë e Parë kryesuesit e Bylis shohin zyrtarin Arbër Sino të pezulluar me dy ndeshje.
Vendimet:
- KF Skënderbeu, për sjellje të gabuar të spektatorëve, duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë.
- Zyrtari i KF Bylis, Arbër Sino,për protestë ndaj vendimeve të zyrtarit të ndeshjes, në bazë të nenit 14/1/c të KDE dënohet me 2 (dy) ndeshje pezullim nga aktiviteti.
- Zyrtari i KF Laçi, Kleo Laska,për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.
- Lojtari i KF Gramshi, Lorenco Hasani,për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.
- Zyrtari i KF Iliria, Nazmi Selmani,për protestë ndaj vendimeve të zyrtarit të ndeshjes, në bazë të nenit 14/1/c të KDE dënohet me 2 (dy) ndeshje pezullim nga aktiviteti.
- KF Shkumbini, në bazë të nenit 6/1/a të KDE, paralajmërohet se në rast të përsëritjes së sjelljes së gabuar të lojtarëve, duke vonuar fillimin e ndeshjes, do të jetë subjekt i masave disiplinore që parashikon Kodi i Disiplinës dhe Etikës dhe Rregulloret e FSHF.
- Lojtari i FK Memaliaj, Qamil Skënderaj,për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.
- Lojtari i FK Përmeti, Albi Balliu,për sjellje josportive ndaj lojtarëve kundërshtarë, në bazë të nenit 14/1/b të KDE dënohet me 2 (dy) ndeshje pezullim nga aktiviteti.
- Lojtari i Eagle Football, Klodian Shehu,për sjellje josportive ndaj lojtarëve kundërshtarë, në bazë të nenit 14/1/b të KDE dënohet me 2 (dy) ndeshje pezullim nga aktiviteti.
Klikoni KËTU për vendimet e plota:
S.DH/ReportTv.al
Komento
