Digjet banesa e dëmtuar nga tërmeti, shpëton i riu! Gruaja: Dua të kem një shtëpi sa të fus kokën

Një familje prej 7 anëtarësh në Fushë-Milot të Kurbinit ka pësuar fatkeqësinë e dytë! Fillimisht shtëpia u dëmtua nga tërmeti dhe u shpall e pabanueshme, ndërsa tashmë është djegur nga zjarri, por për fat të mirë ka shpëtuar djali 24-vjeçar. Edhe më herët, Report Tv ka publikuar historinë e familjes Veseli dhe apelin e tyre për ndihmë.

23 Janar 2021, 17:22| Përditesimi: 23 Janar 2021, 17:33

  • Share

Banesa e shkatërruar nga tërmeti i 26 nëntorit të 2019-ës, u dogj mbrëmjen e së enjtes. Djali 24 vjeçar i familjes Veseli nga Fushë-Miloti ka shpëtuar për mrekulli nga flakët që u përhapën me shpejtësi.

Nëna e tij, Etleva Veseli tha se zjarri është shkaktuar nga një shkëndije elektrike.

 “Nga elektriku, nga priza edhe ka kapur pjesën sipër tek bufeja komplet. Djali ka qenë tek soba këtu është ngritur në orën 06.00 të mëngjesit, se ka ikur i ati në punë. Kur ka parë flakën tek perdja, ka dalë në sekonda, ka qenë bllokuar komplet vendi. Dhe ka dalë duke thënë hajde se u djega”, shprehet nëna e djalit , Etleva Veseli

Historia e kësaj familje e mbetur në çadër prej më shumë se një viti është trajtuar nga Report Tv një muaj më parë.

“Unë dëshiroj që shtëpia ime të bëhet. Edhe dëshiroj shumë që shtëpinë ta kem të rregull dhe sa unë të fus kokën” , shprehet vajza.

B.K./ReportTv.al
Komento
  • Sondazhi i ditës:

    Sipas jush për kë do të votonte diaspora?