VELIPOJË- Dy automjete janë djegur në Velipojë mëngjesin e sotëm si pasojë e një shkëndije elektrike.
Ngjarja ka ndodhur në rrugën nr. 9 në Velipojë, ku dyshohet se për shkak të një shkëndije elektrike, ka marrë flakë dhe është djegur në pjesën e përparme, një automjet tip “Volkswagen”, në pronësi të 30-vjeçarit D. Y., 30 vjeç, banues në Shkodër.
Nga përhapja e flakëve është djegur pjesërisht edhe një automjet tjetër që ishte parkuar përpara automjetit tip “Volkswagen”, në pronësi të një shtetasi tjetër.
Grupi hetimor vijon punën për përcaktimin e shkakut të rënies së zjarrit.
SI.E./ReportTv.al
Komento
