Qytetarët e Dibrës janë ftuar të votojnë të dielën për Kryetarin e Bashkisë, i cili do të mbajë mandatin vetëm 1 vit. Dibra nuk ka gjetur qetësi gjatë viteve të fundit për shkak të skandaleve dhe dorëheqjeve.
Dibra është konsideruar si bastion i Partisë Demokratike, por skema të ndryshme zgjedhore kanë ndikuar që kjo bashki të ketë përmbysje.
Kjo do të ndodhte fillimisht në zgjedhjet lokale të 2015-ës, ku me afro 500 vota më shumë arriti të fitonte kandidati i Partisë Socialiste, Shukri Xhelili. Nuk do ta mbante gjatë detyrën, pasi një skandal seksual në vitin 2016-të, do të sillte shkarkimin e tij nga detyra. Në zgjedhjet e parakohshme faktori “Çam”, do të mundësonte fitoren e kandidatit socialist përmes blerjes masive të votave. Muharrem Rama, kandidati socialist do të merrte 18603 vota, me një diferencë prej 4 232 me kandidatin e Partisë Demokratike.
Zgjedhjet lokale pa praninë e opozitës në vitin 2019-të do të fitoheshin nga Dionis Imeraj i Partisë Socialiste. Hoqi dorë nga posti për të futur në listën e kandidatëve për deputetë në zgjedhjet parlamentare të 2021-shit. I renditur i treti në listë, Imeraj nuk arriti të fitojë duke i humbur të dyja, bashkinë dhe parlamentin.
Situata në zgjedhjet për Kuvendin e Shqipërisë më 25 prill 2021 do risillte Partinë Demokratike sërish dominuese në Dibër, kjo edhe falë zbehjes së faktorit çam, pas publikimit të përgjimeve të dosjes 184.
Por në zgjedhjet e pjesshme lokale të 6 Marsit 2022 kemi një situatë të re me kampin opozitar, që shkon i përçarë në votime. Janë afro 56, 000 qytetarë me të drejtë vote në territorin e Bashkisë së Dibrës, të cilët do të zgjedhin të dielën, ndërmjet socialistit Rrahim Spahiu, demokratit Luan Haka dhe Premtim Kryemadhit të 'Shtëpisë së Lirisë'.
Premtim Kryemadhi, Luan Haka dhe Rahim Spahiu
K.T./ReportTv.alKomente
O Ram po do te fitosh co Shukriun se eshte shume popullor ketej nga ne.E ke njeri te mire degjo mua
PërgjigjuJu lutem te shtoni emrin e kandidatit te Levizjes se re LRE Z. Dritan Torba.
PërgjigjuMe keto burra shteti qe PD ka Me shumice si Jorida, Grida por dhe gra zonja si Salianji e Gazja do fitojme.
PërgjigjuOre Shukriu nga behet? Ka blere brek te reja?
PërgjigjuAi ne te djathte eshte shoku i shukriut. Ka abuzuar me gocat ne BKT...
Bravo kush e ka bere kete artikullin. Mesova me ne fund ca ka ndodhur: ne 2015 pasi Rama ndryshon skemen territoriale e merr Dibren por e le per pune brekgrisurish. Pastaj aktivizon krimin e organizuar (Rrem Rama) dhe e kap prape. Por me pas emeron nje riosh qe ne zgjedhje per deputet i del boja. Nuk besoj te kete ndonje surprize kesaj radhe. Thjesht do mesojme per ndonje "teknike"te re te vjedhuri.
Përgjigju