Një trident i frikshëm për formohet te Juventus për sezonin e ardhshëm. Klubi bardhezi pasi siguroi Pogba-n në mesfushë po mbyll gjithçka edhe për Di Maria-n.
Disa media në Itali tani shkruajnë se marrëveshja mes palëve është mbyllur dhe ‘Fideo’ mund të llogaritet në urdhrat e Allegri-t. Nëse kjo zyrtarizohet Juventus do kishte një sulm të frikshëm me Vlahovic në majë dhe Chiesa-n, i cili në shtator pritet të jetë në fushë pas dëmtimi të gjatë.
Si të mos mjaftonte kaq raportohet se ‘zonja e vjetër’ është seriozisht në garë edhe për Nicolo Zanilo-n, ‘yllin’ e Romës, i cili ka marrëdhënie të ndërlikuara me klubin. Kryeqytetasit kërkojnë 60 milionë euro për sulmuesin, por në negociata mund të përfshihet Arthur për të ulur çmimin.
Sakaq mund të konsiderohet e mbyllur edhe blerja e mbrojtësit të majtë Filip Kostic. Serbi do transferohet nga Eintracht Frankfurt për 15 milionë euro, ndërsa do fitojë 2.5 milionë dhe bonuse te ‘zonja e vjetër’. Ai do firmosë kontratën 3-vjeçare me opsion për një të katërt.
Ne.k./ReportTv.al