Ambasadorja e SHBA-së në Tiranë Yuri Kim zhvilloi sot një takim me Ministren e Arsimit Besa Shahini së cilës i dhuroi një glob të gdhendur me logon e programit Fulbright, në nder të marrëveshjes që u nënshkrua midis Shteteve të Bashkuara dhe Shqipërisë në shtator të 2019-ës, e cila do tu japë më shumë studentëve shqiptarë mundësinë për të studiuar në Shtetet e Bashkuara me bursën Fulbright.
Gjatë takimit, Ambasadorja dhe Ministrja biseduan për zgjerimin e programeve të shkëmbimit si dhe për mundësitë e përmirësimit të trajnimit të mësuesve në Shqipëri, thuhet në njoftimin e ambasadës së SHBA-së në Tiranë.
Nesër në 10:00 Kim do të takojë kryetaren e LSI-së, Monika Kryemadhi dhe në 15:00 kryetaren e grupit demokrat në Kuvend, Rudina Hajdari. Pas mbërritjes në Shqipëri ku nisi misionin diplomatik në krye të ambasadës së SHBA-së, Kim ka pasur ditë intensive me takime me drejtuesit me të lartë të ekzekutivit, legjislativit dhe gjyqësorit.
.jpg)
Dhurata e ambasadores Kim per ministren Shahini
//ReportTv.al