Theophilus Solomon është i lirë dhe mund të bashkohet me ekipin e Dukagjinit të Klinës në Kosovë. Sulmuesi nigerian prej shkurtit të këtij viti ndodhej në qeli në Shqipëri pasi në fillimin e 2021 u akuzua dhe më pas u shpall fajtor për "dhunë në familje" ndaj ish të dashurës.
Asokohe 28-vjeçari ishte pjesë e Partizanit dhe banonte në Tiranë, duke pasur llogari të hapura me drejtësinë. Në fillim të shkurtit 2024 ai u arrestua pasi nuk zbatoi vendimin e Gjykatës që e kishte lënë në liri me kusht, duke mos u paraqitur çdo dy javë në policinë e Kosovës.
Kalvari i dënimit për sulmuesin nisi në 2023 kur Gjykata e Tiranës e dënoi me një vit e gjysmë heqje lirie, që më pas u konvertua në shërbim prove. Tanimë pas amnistisë penale të votuar nga Kuvendi shqiptar dhe miratuar nga presidenti Bajram Begaj, Solomon është mes 700 të burgosuve që përfitojnë lirinë.
S.DH/ReportTv.al