Puna për “goditjen” e paligjshmërisë në vend vijon, ndërsa policia e Tiranës ka vënë në pranga disa persona për vepra të ndryshme penale.
Pasi u kap duke ushtruar dhunë psikologjike dhe fizike ndaj prindërve të tij, policia e Tiranës ka arrestuar 29-vjeçarin G.Q.
Prindërve të tij menjëherë iu plotësua kërkesë-padia për lëshimin e urdhrit të mbrojtjes së menjëhershëm.
Gjatë kontrollit rutine të policisë, është konstatuar se në një lokal në pronësi të 34-vjeçarit R.H, pikërisht ky i fundit ushtronte aktivitet të kundraligjshëm të lojërave të fatit. Në vijim të veprimeve u proceduan dhe 7 shtetas të tjerë, klient të lokalit.
Nën masën “Arrest shtëpie” për veprat penale “Përndjekja”, është kapur jashtë banesës 35-vjeçari A. K të cilin arrestoi policia në rrugën “7 Marsi”.
Në pranga nga policia e Kavajës është vënë edhe 44-vjeçari A.K i cili pas një konflikti, ka kanosur me armë gjahu F.R.
Policia rrugore ka arrestuar Xh. M., 20 vjeç, K. A., 52 vjeç dhe E. B., 30 vjeç, pasi u kapën duke drejtuar mjetet pa lejen përkatës dhe A. M., 45 vjeç, A. M., 28 vjeç, E. K., 26 vjeç, dhe A. G., 40 vjeç, pasi u kapën duke drejtuar mjetet përkatëse në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
J.GJ./ReportTv.al