Foto: Pakot e kokainës të sekuestruara në kufi me Malin e Zi
Zbulohen detaje të reja lidhur me trafikimin e 18 pakove me kokainë të zbuluara në makinën me targa franceze që drejtohej nga shqiptari Arvid Halili. Nga komunikimet që ka pasur së fundmi Policia e Shtetit me autoritetet e Malit të Zi ka rezultuar se Arvid Halili, i cili është kapur në vendin fqinj, destinacion kishte Shqipërinë, pra lëndën narkotike po e sillte në vendlindje.
Ai ka hyrë në Mal të Zi nga pika kufitare me Kroacinë, mëson gazetari i Report Tv, Sokol Dema. Ndërkohë, policia jonë ka nisur verifikimet brenda vendit për të gjurmuar persona të tjerë pjesë e rrjetit kriminal që do të prisnin në vendin tonë kokainën.
Lajmi kryesor:
Zbulohen 18 pako me kokainë në kufi me Malin e Zi! Droga do vinte në Shqipëri! Pranga shoferit të makinës me targa franceze (EMRI)
S.G//ReportTv.al