Federata Braziliane e Futbollit ka kthyer sytë nga një tjetër emër i madh për t’i besuar drejtimin e skuadrës 5 herë kampione bote.
Pas dështimit me Carlo Ancelottin tani përpjekjet janë përqendruar tek Jose Mourino i cili nuk duket fort i bindur pavarësisht interesimit të brazilianëve për të.
Kjo pasi situata te Brazili nuk është aspak e mirë për momentin, me presidentin e federatës që akuzohet për manipulim zgjedhjesh dhe skuadrën që renditet e pesta në botë dhe rrezikon të mbetet jashtë Kupës së Botës në 2026-ën.
Për më tepër, portugezi pret me interes edhe zhvillimet te Roma, aty ku patrioti i tij Thiago Pinto pritet të shkarkohet dhe në këtë mënyrë, mund të forcohen edhe më shumë pozitat e Mourinhos në klub.
Ky duket se është edhe kushti i tij për të vazhduar bashkëpunimin me Romën, pra një rol trajner-menaxher, që bën vetë edhe merkaton.
B.V/ReportTv.al