Pyetja më e shpeshtë e njerëzve kur bien për të fjetur është nëse ka ose jo rëndësi pozicioni i gjumit gjatë natës. Ju mund ta gjeni veten të shtrirë në shpinë, në stomak, në anën e djathtë ose të majtë.
Përgjigjia për këtë pyetje është se ka disa faktorë të tjerë që duhet të merren parasysh. Sipas ekspertëve, qëllimi duhet të jetë rehatia dhe gjumi i qetë dhe më pas pozicioni.
Duhet të dini se nevoja për të fjetur në një pozicion të caktuar mund të ndryshojnë me kalimin e moshës, shqetësimet e ndryshme shëndetësore dhe shtatzëninë.
Gjumi në shpinë është më i miri për shtyllën kurrizore dhe kyçet, pasi ekspertët e konsiderojnë këtë pozicion si më të mirin sidomos nëse bëhet fjalë për dhimbjen e shpinës. Ky pozicion ju ndihmon gjithashtu të shmangni rrudhat që krijohen nga kontakti me jastëkun.
Për njerëzit që kanë tendencë të gërhasin, ky nuk është pozicioni më i mirë, pasi mund të rrisë më shumë mundësinë e gërhitjes. Gjumi në shpinë gjithashtu mund të shkaktojë simptoma të sëmundjes së refluksit gastroezofageal.
Gjumi në anë është alternativa më e mirë për njerëzit që priren të gërhasin, sepse ky pozicion gjumi nuk pengon ose ushtron ndonjë presion mbi organet e njeriut.
Për të njëjtën arsye të fjeturit në anë është pozicioni ideal gjatë shtatzënisë dhe ndihmon gjithashtu edhe për të mbajtur rrugët e frymëmarrjes të lira.
Gjumi në stomak është pozicioni më ideal nëse dëshironi të shmangni rrudhat, por gjithashtu ky pozicion mund të zvogëlojë edhe gërhitjen.
S.S/ReportTv.al