Sipas tij, shteti funksionon me parimin e kontinjuitetit ndaj dhe kryeprokurori do të vijojë të ushtrojë detyrën deri sa të zgjidhet pasuesi i tij, ndonëse i ka mbaruar mandati më 7 dhjetor. Më tej, deputeti shtoi se brenda pesë ditëve do të bëhen publikë emrat e prokurorëve që do të kandidojnë për postin e kryeprokurorit.
“Dje ka nisur procedura dhe brenda 5 ditëve do të bëhen publikë emra e atyre prokurorëve që do të paraqiten si kandidatura dhe më pas ata do të paraqiten në komisionin parlamentar të ligjeve. Pas seleksionimitt dhe paraqitjes së platformave të tyre në seanca të posaçme dëgjimore kandidatët do të votohen në kuvend i cili nëpërmjet votave do të zgjedhë prokurorin e Përgjithshëm të Përkohshëm. Por pas kësaj zgjedhjeje pyetja e madhe do jetë: Sa do qëndrojë në detyrë prokurori i i ri i përkohshëm? Sipas Shametit mendohet se periudha do jetë e shkurtër sepse shumë shpejt do zgjidhet institucioni i Këshillit të Lartë të Prokurorisë që do të zgjedhë kryeprokurorin e ri për një mandat 7-vjeçar”, tha Shameti.
d.c./shqiptarja.com