23 shqiptarë janë deportuar nga Britania e Madhe. Ata ishin të dënuar në total me 55 vite burg për krime të ndryshme përfshirë trafikun e drogës. Shqiptarët u kthyen ditën e djeshme në Shqipëri.
Mes tyre ishte njëri që kishte pranuar se kishte hyrë në Britaninë e Madhe në vitin 2021 duke u fshehur në pjesën e pasme të një kamioni. Pas kësaj u zhduk dhe jetoi ilegalisht deri në qershor kur u arrestua.
Një tjetër kishte hyrë në Britaninë e Madhe në vitin 2021 me një jaht. Edhe ai jetonte ilegalisht derisa u arrestua për shkeljet e kryera gjatë drejtimit të makinës.
Mes të deportuarve ishte një burrë i dënuar me 5 vite e gjysmë burg për furnizim me drogë të klasit A. Po ashtu, një tjetër ishte i dënuar me tre vjet e katër muaj burg për prodhim droge të klasit B.
Sekretarja e Brendshme e Britanisw Priti Patel tha: “Këta kriminelë janë përgjegjës për veprat e tmerrshme të drogës, të cilat shkatërrojnë jetë, familje dhe komunitete. Ata kanë shkelur ligjet dhe vlerat tona, duke i lënë viktimat e tyre të jetojnë me plagët e krimeve të tyre."
A.M./ReportTv.al