TIRANË- Çmimi i naftës dhe gazit në vend tonë janë ulur, ndërsa benzina ka pësuar rritje. Bordi i Transparencës ka vendosur ditën e sotme që nga sot çmimi i naftës të ulet me 5 lekë ku nga 243 lekë litri do të shitet me 237 lekë/litri. Edhe gazi ka pësuar ulje me 6 lekë ku do të shitet me 100 lekë/litri.
Nga ana tjetër, rritje ka pësuar benzina me 4 lekë ku nga 223 lekë ka vajtur në 227 lekë/litri. Këto çmime të reja do të hyjnë në fuqi nga sot në orën 18.00 në të gjithë pikat e karburantit në vend.
“Çmimi i shitjes me pakicë i nënproduktit gazoil i standardit SSH EN 590 të jetë 237lekë/litri, ndërsa i shitjes me shumicë 225lekë/litër. Çmimi i shitjes me pakicë i nënproduktit benzinë e standardit SSH EN të jetë 227 lekë/litri,ndërsa i shitjes me shumicë 215 lekë/litër. Çmimi i shitjes me pakicë i nënproduktit gaz, të jetë 100 lekë/litri me pakicë dhe i shitjes me shumicë 88 lekë/litër për automjetet”, thuhet në njoftim.
Çdo operator i shitjes me shumicë dhe pakicë i nënprodukteve të naftës është i detyruar të zbatojë Vendimin e Bordit të Transparencës, në lidhje më çmimet e shitjes me shumicë dhe pakicë. Organet ligjzbatuese do të kontrollojnë zbatimin e vendimeve të Bordit të Transparencës çdo ditë. Në rast të shkeljeve të konstatuara nga operatorë të ndryshëm do të vendoset pezullim aktiviteti, heqje licence dhe sekuestrim.
B.K.//ReportTv.al