Trajneri i Partizanit Ilir Daja nuk është paraqitur sot me skuadrën në ndeshjen që ekipi luan kundër Bylisit për javën e nëntë. Kjo për shkak se sipas klubit trajneri Daja ka patur disa shqetësime gastrointestinale të shoqëruara me një gjendje të lehtë virale.
Vetëm pak ditë më parë Ilir Daja u përfol si i prekur me koronaviorus, por ishte klubi i Partizanit ai që e mohoi.
NJOFTIM I PARTIZANIT
FK Partizani njofton se traineri Ilir Daja do të mungojë sot në takimin Partizani – Bylis i vlefshëm për javën e 9 të kategorisë superiore dhe ekipi do të drejtohet nga ndihmësit e tij Pollozhani, Kalari dhe Bozhiqi. Traineri Daja ka patur disa shqetësime gastrointestinale të shoqëruara me një gjendje të lehtë virale. Duke ju përmbajtur dhe respektuar protokollet e sigurisë shëndetësore në këtë situatë të pandemisë së covid 19 Daja është vetëizoluar në shtëpi. Klubi i uron shërim dhe rikthim sa më të shpejtë në drejtimin e skuadrës trainerit Ilir Daja.
Ne.k.//ReportTv.al