Me disa rreshta prekëse ku shpreh atë çka ndjen, aktori Çun Lajçi ka kujtuar të bijën për ditën e saj të lindjes. Bubulina u nda nga jeta 6 vite më parë, por është cdo ditë në mendjen e të atit.
Në një postim në Facebook, Çun Lajçi shkruan se në këto vite nuk kanë munguar vizitat në varrin e të bijës. Po ashtu thotë se nuk ka arritur t’i hedhë dot në letër këto rreshta për shkak të vetmisë që e gërryente prej mungesës dhe boshllëkut që i la humbja e vajzës.
Postimi i Çun Lajçit
Urime ditëlindja Bubulinë
(02.05.1983)
S’kam harrua më t’shkrua, vonua po, por harrua s’kam,
shumë muej janë ba pa vu shkronja n’letër,
pesë vite s’rreshta tue ardhë me puthë,
gurin tand n’Drelaj!
S’kam harrua më shkrua, por mujtë s’kam,
se gërrye m’ka vetmia,
tue kërkua hijën tande, rrugëve tua,
rrugëve t'mia!
Vonua jam, por s'kam harrua
sot ditëlindjen e ke
që, po i ve shkronjat n'letër:
- Unë pesë vite ma i plakun, Ti pesë vite ma e re!
Bubulinë, urime ditëlindja.
02.05.2023
Komente
Me bere te lotoj me keto vargje.Te qofte dhimbja me e lehte dhe Bubulina qofte e xhenetit.
PërgjigjuZoti te ndihmoft vajza jote u preht ne parajs
PërgjigjuAh sa e trishte… force e kurajo.
PërgjigjuE paharruar qofte per ju dhe uroj te gjesh pak gezim ne njerez dhe pasione te tjera, per te vazhduar me buzeqeshje jeten perpara. I forte eshte njeriu kur jeton me nje dhimbje dhe brenge kaq te madhe sikurse humbja e femijes.
Përgjigju