Portugalia ia doli të fitonte me shumë vështirësi dhe vetëm në minutat e fundit fitoi ndeshjen ndaj Islandës në transfertë. Në sfidën e vlefshme për kualifikueset e Euro 2024, luzitanët hasën në rezistencën e vendasve, e cila u “thye” vetëm në minutën e 89-të nga një gol i Cristiano Ronaldos.
Ronaldo u bë lojtari i parë për meshkuj që bëri 200 paraqitje ndërkombëtare. 38-vjeçari u nderua nga Guinness World Records para fillimit të ndeshjes për arritjen e 200 ndeshjeve për Portugalinë, pothuajse 20 vjet pasi bëri debutimin e tij.
I vetmi që gjendet pranë Ronaldos në këtë statistikë është Bader Al-Mutaua, i cili në të kaluarën ka regjistruar 196 prezenca me kombëtaren e Kuvajtit. Ronaldo me Portugalinë vazhdon teksa kapiteni pritet ta udhëheqë kombëtaren e tij edhe në Euro 2024.
Kujtojmë se CR7 është aktivizuar për herë të parë me Portugalinë në gushtin e vitit 2003 në një ndeshje ndaj Kazakistanit duke u shndërruar edhe në golashënuesin më të mirë të luzitanëve me 123 realizime.
S.DH/ReportTv.al