Raportuesja për Kosovën në Parlamentin Evropian, Viola Von Cramon ka reaguar pasi vendet anëtare të BE-së në takimin e grupit punues për vizat kanë përafruar qëndrimet rreth një kompromisi, sipas të cilit do të miratohej vendimi për liberalizimin e vizave për Kosovën, që do të hynte në fuqi më 1 nëntor 2023.
Von Cramon, në një postim në Twitter shkruan se nuk ka asnjë arsye që të mos bëhet liberalizimi i vizave menjëherë për qytetarët e Kosovës.
“Epo, pse vetëm nëntor 2023? Nuk ka asnjë arsye që të mos jepet menjëherë liberalizimi i vizave për qytetarët e Kosovës”, shkruan Von Cramon në Twitter.
Lajmi kryesor:
Vendet anëtare të BE-së drejt një kompromisi për liberalizimin e vizave për Kosovën, hyrja në fuqi e vendimit do të ishte në nëntor 2023
S.C/ReportTv.al