Gjatë 24 orëve të fundit nga 1279 testime të realizuara në Maqedoninë e Veriut, 153 persona kanë rezultuar pozitiv me Covid-19.
Gjithashtu, sipas autoriteteve janë shëruar 75 pacientë, si edhe kanë humbur jetën nga infeksioni i Covid 6 pacientë të diagnostifikuar me koronavirus.
Viktimat janë nga Shkupi, Shtipi, Tetova dhe Resnja në mes të moshës 53 dhe 80 vjeçe.
Numri i përgjithshëm i pacientëve të diagnostifikuar me Covid-19 në Maqedoni shkon në 5595, prej të cilëve 2166 janë shëruar kurse 265 pacientë kanë ndërruar jetë si pasojë e Covid-19 në disa raste të shoqëruara me sëmundje tjera.
Aktualisht në vend ka 3164 raste aktive me koronavirusin.
Komento
