Qeveria britanike zbuloi sot përjashtimet e para nga regjimi i karantinës, vendosur për të luftuar kundër epidemisë së koronavirusit, që përfshin të mbërriturit nga Gjermania, Franca, Spanja apo Italia duke filluar nga 10 korriku.
Por, me rrezikun e konfuzionit, ajo vendosi gjithashtu që këto përjashtime do të zbatoheshin vetëm për të mbërriturit në Angli dhe se karantinimi do të ishte ende i detyrueshëm për të gjithë personat që mbërrijnë në Skoci, Uells dhe Irlandën e Veriut, me dënimin e gjobës.
Britania e Madhe ka qenë një prej vendeve europiane më të prekura nga epidemia e COVID-19 me të paktën 44 000 të vdekur, por numri i rasteve është ngadalësuar dhe ka ka nisur lehtësimi i masave kufizuese të vendosura gjatë një kufizimi që zgjati tre muaj.
Pjesë e këtyre masave ishte dhe një karantinim 14 ditor për të gjithë personat duke përfshirë dhe residentët britanikë që vinin në Britaninë e Madhe.
