Covid-19 nxori më shumë në pah simptomat e sëmundjeve renale ndaj dhe rastet me komplikacione janë rritur ndjeshëm. Në ditën botërore të veshkave, mjekja nefrologe në QSUT Marsida Duli thotë për Report Tv se shkak i rritjes së rasteve është hezitimi i pacientëve për kontrolle rutinë.
“Pandemia ka patur ndikimet e veta si në përkeqësimin e këtyre patologjive, progresin e sëmundjeve renale dhe kronike, gjithashtu është si mungesë e hezitimit të pacientëve për ta aksesuar kujdesin shëndetësor te mjeku specialist. Grupmoshat më të prekura , mosha mesatare”
Duli thotë se zbulimi i hershëm i sëmundjeve të veshkave ndikon në reduktimin e rasteve të rënda, teksa jep disa këshilla për ekzaminimet e duhura.
“Sëmundjet renale janë të fshehura. Qytetarët shfaqin ankesa në faza të vona. Kështu që i bëj thirrje qytetarët të depistohen, të shfrytëzojnë ekzaminimet falas, siç është check up, analizat e urinës, analizë kreati, urine apo gjaku komplet dhe menjëherë t’i referehen mjekut të familjes.”
Referuar të dhënave statistikore botërore, 1 në 10 të rritur vuajnë nga sëmundjet kronike të veshkave. Në mbarë botën llogariten 850 milion pacientë me sëmundje renale kronike, dhe mbi 2 milion i nënshtrohen rregullisht dializës.
//ReportTv.al