Hyqmet Musta dhe Kliti Kallamata
KORÇË- COVID-19 i merr jetën arkitektit të njohur korçar Kliti Kallamata. Prej disa ditësh ai ishte prekur nga virusi, por nuk ka mundur dot të përballojë gjendjen e rënduar shëndetësore.
Kallamata nuk ka qenë i shtruar në spital në kryeqytet, por në Spitalin e Korçës. Mësohet së mbrëmjen e djeshme ai ka ndërruar jetë. Kallamata për shumë vite ka qenë edhe Drejtor i Monumenteve të Kulturës në Korçë.
Lajm i trishtë vjen edhe nga radhët e mjekëve, pasi as doktor Hyqmet Musta në Kavajë nuk ia doli të fitonte këtë betejë. Lajmin e ka konfirmuar kolegu i tij, Drin Bardhi.
"Të qoftë dheu i lehtë kolegu i nderuar, Dr. Hyqmet Musta. Radiolog i saktë, fjalëpak, nga ata mjekë që po i mungojnë gjithmonë e më shumë spitalit tonë. Për fat të keq virusi vazhdon të marrë jetë njerëzish dhe mjekësh!Allahu na bashkoftë në xhehnet", shkruan kolegu u tij.
Lajmi kryesor:
COVID-19/ 574 raste të reja, 6 viktima në 24 orët e fundit! Humbin jetën arkitekti i njohur në Korçë dhe mjeku radiolog në Kavajë
B.K.//ReportTv.al