Shtimi i rasteve të reja me koronavirus në Kosovë ka bërë që autoritetet të vendosin që mbajtja e maskës të jetë e detyrueshme në ambjentete publike.
Instituti i Kombëtar i Shëndetit ka deklaruar se situata e përgjithshme epidemiologjike po rëndohet, pavarësisht përpjekjeve për ta mbajtur atë nën kontroll dhe se respektimi i masës për mjetet mbrojtëse është obligim për të gjithë.
Sipas Institutit, grumbullimet e njerëzve dhe kryesisht sjellja e të rinjve dhe njerëzve të moshave të ndjeshme dhe me sëmundje kronike, po agravojnë situatën.
Në kushtet kur nuk ka ende terapi të sigurt dhe vaksinë, e vetmja mundësi e parandalimit të Covid është respektimi i rekomandimeve të Institucioneve shëndetësore
Para pak ditësh kryeministri Hoti, teksa e përshkroi gjendjen si tepër alarmante, paralajmëroi rikthimin e izolimit dhe bllokimit nëse qytetarët nuk respektojnë rekomandimet
Nuk bëhet e ditur nëse detyrimi për maskat do shoqërohet me masa për të pabindurit, edhe pse shkelja e këtij rregulli nga kushdo do të konsiderohet rrezikim i shëndetit dhe jetës së të tjerëve.
Deri tani në Kosovë autoritetet kanë raportuar për 1916 raste infeksioni dhe 34 viktima që nga fillimi i pandemisë
//ReportTv.al