Një karikaturë e botuar nga gazeta daneze 'Jyllands-Posten' ka krijuar një krizë diplomatike mes Danimarkës dhe Kinës, kjo e fundit e zemëruar dhe e provokuar.
Sot, Jyllands-Posten, një gazetë e njohur në botë në vitin 2005 për publikimin e karikaturave për Muhamedin dhe që zemëruan botën myslimane, vendosi në një faqe të saj një dizajn satirik, në të cilin pesë yjet e flamurit kinez, të cilat përfaqësojnë unitetin e popullit rreth Partisë Komuniste, janë zëvendësuar nga 5 figura të koronavirusit të ri kinez i cili deri tani ka vrarë 107 persona.
Ambasada daneze në Kinë ka kërkuar falje publikisht duke thënë se dizaini ishte fyerje për Kinën dhe dëmton ndjenjat e popullit kinez.
Ilustrimi, i krijuar nga Niels Bo Bojesen, ka ngjallur polemikë në mediat sociale kineze, duke u bërë një nga temat më të diskutuara në Weibo - versioni lokal i Twitter.
Gazeta u përgjigj duke botuar një artikull në të cilin redaktori tha se nuk ishte qëllimi i gazetës për t’u tallur me situatën në Kinë, por nuk kërkoi falje "sepse ne nuk mund të kërkojmë falje për diçka që nuk e konsiderojmë të gabuar".
.jpg)
Një video-dronë tregon se si qyteti kinez është pothuajse plotësisht i shkretë
Rrugët, zakonisht të mbipopulluara, tani janë të shkreta.
Coronavirusi ka transformuar qytetin e Wuhan, epiqendra e infeksionit të përhapur tashmë popthuajse në mbarë botën.
Qendrat tregtare dhe restorantet janë të mbyllura.
Supermarketet më të mëdha mbeten të hapura por lëvizja e makinave është bllokuar.
Shkollat dhe universitetet kanë pezulluar mësimin.
