Një efektiv i burgut të Drenovës në Korçë është arrestuar, pasi tentoi që të fuste drogë në ambientet e vuajtjes së dënimit për të burgosurit. Gjatë kontrollit fizik të punonjësve të burgut, efektivit Hakil Zere iu gjet e fshehur në këpucë, brenda çorapeve 2 qese me kanabis dhe në pjesën intime të trupit 2 qesë të tjera, njëra prej të cilave me heroinë. 22 gram kanabis dhe rreth 3.8 gram heroinë.
Operacioni u finalizua nga SHKBB, shërbimi i kontrollit të brendshëm në burgje në bashkëpunim me IEVP Drenovë. Sipas burimeve policit të burgjeve Hakil Zeres i është gjetur edhe një sasi lënde narkotike gjatë kontrollit të banesës nga ana e policisë së shtetit. Konkretisht në shtëpi i janë sekuestruar edhe 299.4 gram kanabis, një peshore e vogël elektronike dhe 10 fara kanabis.
Sipas burimeve nga prokuroria polici është arrestuar me 21 prill me akuzat e “Prodhimi dhe shitja e narkotikëve” dhe “Futja ose mbajtja e sendeve të ndaluara në institucionin e ekzekutimit të vendimeve me burgim”, te parashikuar nga neni 283/1 dhe 324/a/2 i Kodit.
Komente
Nuk behene fshatarët njerez. Vetem Enveri ua gjeti fijenë, pune në arra dhe vetem pune me shatë e lopatê!
Përgjigju