Me rastin e 78-vjetorit të Çlirimit të kryeqytetit, Kreu i Partisë së Lirisë Ilir Meta u ka shprehur sot mirënjohjen partizanëve që luftuan për çlirimin e Tiranës dhe qytetarëve që ngritën barrikadat dhe i kthyen shtëpitë e tyre në kështjella kundër pushtuesve.
“Çlirimi i kryeqytetit tonë mbetet një nga ngjarjet më madhore të Luftës Antifashiste. Përjetë mirënjohës të gjithë atyre partizanëve që luftuan për çlirimin e Tiranës dhe në veçanti dëshmorëve që dhanë jetën e tyre.
Mirënjohje gjithmonë qytetarëve të Tiranës që ngritën barrikadat dhe i kthyen shtëpitë e tyre në kështjella kundër pushtuesve.
Sot është edhe një ditë reflektimi për t’iu kthyer qytetarëve të Tiranës lirinë e cenuar nga uzurpatorët. Tirana do të jetë më mirë! ”, shkruan Meta.
Lajmi kryesor:
Sot 78-vjetori i Çlirimit të Tiranës, socialistët homazhe te Partizani i Panjohur! Veliaj: Bashkë mund të përballojmë edhe një luftë të pabesë si kjo e Putinit
G.MO/ReportTv.al