Matias Havier është një çiklist 37-vjeçar që ka udhëtuar nga Argjentina deri në Vlorë, duke përshkruar 91 mijë kilometra me biçikletë.
Argjentiansi ka 6 vite që është pjesë e aventurave në natyrë dhe ka përshkuar 45 shtete.
Ai tha që për 4 synon t'i bie botës përqark me biçikletë.
Kësaj rradhe destinacioni i fundit i tij është Katari.
“Do te qëndroj në Shqipëri për 7 ditë për të vizituar vende të ndryshme. Këtë aktivitet ta vazhdoj për 4 vite dhe më pas do të krijoj familjen time”, është shprehur ai.
Spas tij, nga Argjentina deri në Meksikë dhe gjithë Amerikën Latine, e ka bërë per tre vite.
Më pas ka zgjedhur të udhëtonte me avion në Spanjë dhe ka udhëtuar për dy vite në Rusi.
Matiasit nga Rusia në Shqipëri i është dashur një vit.
Ai tregon se në 45 shtetet që ka qenë me biçikletë ka marrë dhe nga një flamur bashkë me stemat e policëve, të cilat do t’i kujtojnë gjithë jetën aventurën e tij me biçikletë.
Matiasi në dukje është shumë i thjeshtë dhe çfarë e bën të veçantë është biçikleta e mbushur me flamuj dhe simbole nga shtetet që ka përshkruar.
Gjithashtu përpara biçikletës ka vënë një karton ku shkruhet adresa e tij në rrjetin social instagram, ku të gjithë mund të ndjekin ‘bëmat’ që do arrijë.
//ReportTv.al