Reperi i njohur Ledri Vula dhe partnerja e tij Sara Hoxha janë prej çifteve më të komentuara dhe më të dashur për publikun.
Ndonëse fama e Sarës erdhi pas lidhjes me reperin e suksesshëm, ajo tashmë ka krijuar audiencën e saj që pas fitores së spektaklit të vallëzimit, ‘Dancing With The Stars Albania’.Ndonëse të angazhuar në fusha të ndryshe, ata shfaqen gjithmonë krah njëri-tjetrit në momentet e tyre më të rëndësishme, këtë e ka thënë vetë reperi, i cili ishte i ftuar në “Më Lër të Flas”.
Përveç planeve në muzikë dhe karrierës së gjatë, ai foli edhe për partneren e tij, Sara Hoxhën.
Këngëtari tha se Sara e ndihmon jashtëzakonisht shumë në projektet e tij, ndërsa ndau edhe disa detaje.
“Ka raste që më ndihmon shumë Sara me disa gjëra. E kam lodhur, e kam zgjuar në katër të mëngjesit: ‘Zemër a të pëlqen kjo?’”, tregon Ledri, ndërsa tha se edhe ai e ndihmon duke e fotografuar", tha Ledri.
I pyetur se çfarë mendon për faktin se njerëzit shpesh i quajnë si çifti perfekt, Vula tha se nuk e di si duken tek të tjerët, por tregon që ata kuptohen shumë mirë me njëri tjetrin.
Kujtojmë se në promovimin e albumit të tij, në një moment gjatë performancës, Ledri mori Sarën në skenë, duke ia kushtuar asaj këngën.
M.T/ReportTv.al“Më pëlqen ajo këngë shumë. Në atë moment kam parë vetëm Sarën në sy, kam dashur të kem një kujtim vetëm me atë”, u shpreh Ledri.
