Ansambli i Këngëve dhe Valleve Popullore mban sot në orën 19.00 në Teatrin Kombëtar të Operas dhe Baletit koncertin “Jehona jonë”, me këngë të përzgjedhura polifonike dhe valle nga treva të ndryshme të vendit.
Në përvjetorin e katërt të ndarjes nga jeta, aktorit Xhevdet Ferri i dorëzohet sot në orën 16.00 në Teatrin “Aleksandër Moisiu” titulli “Qytetar Nderi i Durrësit” postmortum.
Këtë mbrëmje në orën 18.30 në qendrën “Dua”, Klubi i Librit do të diskutojë mbi romanin “Kur bie nata” të autorit të njohur japonez Haruki Murakami.
Çelet sot në orën 18.30 në galerinë “Gurgur” në Petrelë, ekspozita “Gur” e kuruar nga Edison Çeraj.
Fotografi të ndërtesave të ndërtuara nga burri, ku roza si simbolikë ndërhyn përmes dritave, perdeve apo skulpturës. Për manifestimin e toksicitetit maskilist, ose brishtësisë burrërore ekspozita e artistes Blerta Kambo “Burri i Kështjellës” pret vizitorët në Qendrën për Hapje dhe Dialog në Kryeministri deri në 14 shkurt.
Një ekspozitë unike ajo e “NINGYŌ: Arti dhe bukuria e kukullave japoneze” , e realizuar në bashkëpunim me Teatrin e Kukullave dhe artisten Merita Selimi që vijon e hapur në Galerinë e Arteve Tiranë deri në 2 shkurt.
Piktura, skulptura dhe instalacione, vijon e hapur deri në 20 janar në galerinë “Fab” në Tiranë ekspozita “Udhët V” me punime të pedagogëve të Fakultetit të Arteve të Bukura.
SI.E.//ReportTv.al