Art, kulturë dhe spektakël, në vijim, rubrika “Ciceron”, ju njeh me aktivitetet që mund të ndiqni gjatë fundjavës në Tiranë dhe disa qytete të vendit.
1. Baleti "Zhizel" (Giselle) i Adolphe Adam vjen sonte dhe nesër ora 20.00, në Teatrin Kombëtar të Operës dhe Baletit, nën koreografinë e artistit të njohur Giuseppe Picone-s, solistëve dhe dirigjimin e Alisa Gjonit.
2. Ndahen sot në orën 10.00 në Qendrën Kombëtare të Librit dhe Leximit vlerësimet e Fondit të Krijimtarisë Letrare për të Rinj.
3. Flautistët e njohur italianë Marco Zoni dhe Salvatore Vello do të mbajnë sot e nesër në orën 10.00 në Universitetin e Arteve, masterklas për flaut. Ndërsa, sot në orën 19.00 do të performojnë një koncert me repertor nga periudha baroke, romantike dhe bashkëkohore.
4. Libri "Ata gdhendin dhimbjen" i autores Alketa Gashi Fazliu promovohet sot ora 11.00 në Akademinë e Shkencave.
5. Autori Brajan Sukaj promovon sot ora 17.00 romanin "I pushtuari dhe nata" në Shtepinë Studio Kadare.
6. Në Galerinë e Artit Tiranë vijon e hapur deri në 14 prill ekspozita “Zgjomë përpara Rem” e artistes Eris Bushati.
7. Ekspozita “The Curse of the Eye” e artistit Genti Korini do të qëndrojë e hapur deri në 7 maj në Hapësirën Bashkëkohore të Artit “Harabel”.
8. Qëndron e hapur deri në 18 prill në galerinë "FAB" ekspozita "Opus Continuum" e skulptorit Kreshnik Xhiku e kuruar nga Ardian Kapo dhe Ermir Hoxha.
9. Rrugëtimi artistik i piktorit Aleksandër Filipi prezantohet përmes një ekspozite sot në orën 19.00 në Galerinë e Arteve në Shkodër.
10. Pianistja Lidia Cane mban sonte ora 18.00 në "Teatrin Bylys" koncertin recital "Piano".
G.MO//ReportTv.al