Me rekord shikueshmërie, vijon në skenën e Teatrit Eksperimental këtë mbrëmje në orën 17.00 dhe në orën 19.00 stand-up komedia franceze “Shtëpiakë të dëshpëruar”, me regji e skenografi të Artan Imamit, i cili shoqërohet në skenë nga Indrit Çobani dhe Gentian Zenelaj.
Me një repertor të përzgjedhur kori “Lira” dhuron kartolinën artistike të Korçës për dashamirësit, sot në orën 18.00 në teatrin “Andon Zako Çajupi”.
Mbahet sot në orën 19.00 në teatrin “Petro Marko” në Vlorë një mbrëmje “Gala” me artistët e njohur Ardita Meni, Josif Gjipali dhe Kastriot Tusha.
Skena shëtitëse e Operas ndal sot në orën 11.00 pranë Katedrales së Korçës, për të dhuruar një shfaqje plot ngjyra me performancat e solistëve dhe Orkestrës Simfonike të Teatrit.
Realiteti, imazhet dhe emocionet e piktorit Kamuran Goranci në strukturat e ëndrrave të tij, ekspozita “Code II” pret vizitorët deri në në 3 janar në Galerinë e Artit Tiranë.
Mbrëmjet festive “Gzo n’Shkodër” vijojnë në sheshin para bashkisë të qytetit deri në ndërrimin e viteve. Këtë mbrëmje në orën 19.00 do të performojë ‘live’ kantautori Vlashent Sata, ndërsa nesër në orën 12.00 është radha e Sidrit Bejlerit dhe bendit.
Ekspozita “Overlords” nga Krist Dragot dhe e kuruar nga Harabel pret vizitorët deri në 6 janar në galerinë “GurGur” në Petrelë.
B.V//ReportTv.al