Ernest Muçi padyshim është emri më i lakuar mes legjionarëve në ditët e fundit. Sulmuesi i Legias së Varshavës shkëlqeu me të tijtë në kampionat dhe Conference League, duke bërë që mediet evropiane të përmendin emrin e tij.
Veçse në "gojën e ndërkombëtarëve", Muçi ka marrë sërish një tjetër vlerësim, këtë herë nga UEFA. "Ernest Muçi, mbajeni mend këtë emër", shkruan UEFA në faqen e Conference League.
22-vjeçari i Kombëtares kuqezi e ka nisur mirë sezonin, teksa ka marrë vendin e titullarit te Legia. Në shtatë ndeshjet e këtij sezoni në kampionat, Muçi ka shënuar tre herë, ndërsa katër herë të tjera ka gjetur rrjetën në Conference League. Me kontratë deri në verën e 2025, Muçi është "xhevahiri" i Legias, me tifozët në Varshavë që janë të dashuruar pas lojës së tij.
Postimi i UEFA CL
S.DH/ReportTv.al