43-vjeçari Haxhi Çala, banues në fshatin Lumas, Cërrik është arrestuar për zjarrvënie nga pakujdesia. Sipas policisë, 43-vjeçari ka hedhur cigaren në tokë duke ndezur tokat e mbjella në fshatin Qyrkan, njësia administrative Klos.
“Bazuar në informacionet e siguruara nga inteligjenca policore, u bë i mundur identifikimi dhe arrestimi i autorit të dyshuar të këtij rasti zjarrvënieje, shtetasit H. Ç., 43 vjeç, banues në fshatin Lumas, Cërrik”, njofton policia.
Dyshohet se nga pakujdesia (hedhja e një cigareje të ndezur), ai ka ndezur zjarr fillimisht në tokën e tij. Më pas flakët janë përhapur duke djegur disa sipërfaqe të mbjella, në pronësi të 2 personave të tjerë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
B.K/ReportTv.al