Organizata humanitare Caritas Albania ndërtoi 9 shtëpi të reja në qytetin e Belshit të cilat u dëmtuan nga tërmeti. Në ceremoninë e përfundimit të shtëpive dhe futjes brenda të anëtarëve të 9 familjeve nga Belshi, Kryetari i Grupit Parlamentar të Partisë Socialiste, Taulant Balla falenderoi përfaqësuesit e Caritas Albania për mbështetjen e dhënë për ndërtimin e shtëpive të reja.
“Nuk janë vetëm 9 shtëpi që janë ndërtuar, por janë 9 familje që deri para pak kohësh nuk kishin një ccati ku të mbanin fëmijët e tyre. Kjo mbështetje që ju na dhatë na dha mundësinë që tashmë të kemi 9 shtëpi të reja në Belsh, të cilat zëvendësojnë 9 shtëpitë e dëmtuara nga tërmeti i 21 shtatorit. Kjo është forma më e bukur për të festuar 30 vjetorin e Caritas në Shqipëri. Pas tre dekadash vazhdon me të njënjtin angazhim njësoj sicc erdhi ditën e parë në Shqipëri”, tha Balla.
Sipas Ballës, Shqipëria dhe Italia janë shumë të ndërlidhura me njëra tjetrën.
“Në çdo moment të vështirë Italia i është gjendur pranë Shqipërisë në ccdo formë mbështetjeje, por të mos harrojmë që gjatë pademisë dhe Shqipëria e vogël tregoi një formë shumë domethënëse solidariteti, duke dërguar mjekë dhe infermierë në një prej zonave më të prekura nga pandemia në Itali. Detyra jonë është të rrisim sa më shumë bashkpunimin nga të dyja anët e adriatikut”, deklaroi Balla.
SI.E./ReportTv.al
