30 milionë lekë të reja ka marrë sportisti Briken Calja me ligjin e ri të shpërblimeve. Pas tij, të tjerë talente janë duke u vlerësuar financiarisht. Teksa po bëhen gati për kampionatin botëror që do të mbahet Shqipëri, presidenti i Federatës Shqiptare të Peshëngritjes Elez Gjoza ndjehet më i qetë dhe flet për frymëzimin e të rinjëve në këtë sport.
“300 milionë lekë ka marrë sportisti ynë i talentuar Briken Calja para 6 muajsh, ndërsa 40 milionë lekë ka marrë Ertjan Kofsha nga Europiani. Nuk ka ndodhur ndonjëherë që një sportisti 17-vjeçar të shpërblehet me kaq lekë,”-u shpreh Elez Gjoza, presidenti i FSHP.
Në fund të muajit mars Shqipëria dhe konkretisht Tirana e Durrësi do të presin kampionatin botëror për të rinjtë në peshëngritje. Ky është aktiviteti i radhës për këtë sport në vendin tonë, pasi në 2022 ishte fillimisht kampionati europian për të rritur dhe më pas zgjedhjet për presidentin e federatës botëror.
“Është një ngjarje shumë e madhe, është e para herë që ndodh në Shqipëri një kampionat botëror për të rinj. Ceremoninë hapëse do ta bëjmë në Tiranë, eventin kryesorë, ndërsa më pas do zhvendosemi në Durrës,”-tha Elez Gjoza, presidenti i FSHP.
Përveç Botërorit për të rinjtë Shqipëria është kandidatja kryesore që në 2024 të organizojë Botërorin për të rritur në peshëngritje.
Ne.k.//ReportTv.al