Ministri i jashtëm në detyrë i Shqipërisë Gent Cakaj zhvilloi ditën e sotme një takim me Ushtruesen e Detyrës së Presidentes së Republikës së Kosovës Vjosa Osmani, ku diskutuan për bashkëpunimin strategjik në fushën e politikës së jashtme.
Cakaj dhe Osmani vunë në fokus rëndësinë e bashkërendimit të dy shteteve në arenën ndërkombëtare.
“Kosova dhe Shqipëria, si dy shtete që i takojnë një kombi, duhet të jenë absolutisht një zë i vetëm, sa i përket politikës së jashtme.”- përfundoi Cakaj reagimin e tij në Facebook, lidhur me takimin e zhvilluar me Osmanin.
Ministri i jashtëm në detyrë i Shqipërisë Gent Cakaj më herët ka zhvilluar një takim me Kryeministrin e Kosovës Avdulla Hoti.
Në një takim ditën e sotme mes ministrit të punëve të jashtme Gent Cakaj dhe Kryeministrit të Kosovës Avdullah Hoti, u diskutua lidhur me rëndësinë e bashkëpunimit mes Kosovës dhe Shqipërisë për mbrojtjen e të drejtave të shqiptarëve të Luginës së Preshevës.
Cakaj në datën 3 dhjetor në një video telefonat me Sekretaren e Përgjithshme të Këshillit të Evropës Marija Pejčinović Burić dhe kërkoi që trupat përkatës të Këshillit të Evropës ta trajtojnë këtë çështje me vëmendjen e duhur, për të garantuar mbrojtjen e të drejtave themelore të shqiptarëve në Luginë.
Gjithashtu, bashkëfolësit ndanë pikëpamje të njëjtë mbi dialogun Kosovë-Serbi, i cili sipas tyre duhet të përfundojë me njohjen e Republikës së Kosovës nga ana e Serbisë.
