Byrek me petë role me gjizë dhe vezë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

7 Shtator 2023, 13:03| Përditesimi: 7 Shtator 2023, 13:05

  • Share

Byrek role me gjizë dhe vezë

Përbërësit:

  • 600 gr miell
  • 1 lç kripë
  • 1 majë luge sheqer
  • 450 ml ujë
  • 300 gr gjizë
  • 2 vezë
  • 3 lgj kos të trashë
  • Vaj ulliri

Përgatitja:

Pasi zëmë brumin e ndajmë në kuleçë dhe e lëmë të pushojë për 20 minuta. Kuleçët i vendosim në vaj, më pas i hapim petët njëra mbi tjetrën sa pëllëmba e dorës duke i spërkatur me vaj. I lëmë përsëri petët të pushojnë për 20 minuta të tjera.

Ndërkohë në një enë rrahim vezët, shtojmë gjizën dhe kosin e trashë. Spërkasim një tepsi rrethore me vaj, hapim petët, vendosim mbushjen dhe e mbledhim role. Vazhdojmë kështu me të gjitha petët derisa të mbushet komplet tepsia. E vendosim byrekun të piqet në furrë të nxehtë në temperaturën 250 gradë për 15 minuta. Pasi të piqet e lagim me pak ujë të gazuar që byreku të qëndrojë i butë.

MC/ReportTv.al
Komento
  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?