Byrek me maja në kavanoz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

9 Shkurt, 11:39| Përditesimi: 9 Shkurt, 11:41

  • Share

Byrek me maja në kavanoz

Përbërësit:

  • 4-5 gota miell
  • 1 gotë ujë të vakët
  • 1 gotë qumësht të vakët
  • 1 lgj maja e thatë
  • 1 lç kripë

Për mbushjen:

  • 1 tufë spinaq
  • 100 gr djathë të bardhë
  • 1 tufë koper
  • Vaj ulliri
  • Kripë, piper

Përgatitja:

Në një tas vendosim një gotë ujë të vakët dhe një gotë qumësht, majanë dhe i përziejmë mirë, shtojmë miellin pak nga pak, shtojmë kripën dhe e punojmë brumin derisa të bëhet elastik. E vendosim atë në një tas dhe e lëmë të pushojë për 30-40 minuta. Pasi brumi të ketë ardhur e heqim nga tasi dhe e punojmë pak, hapim petën, e palosim në drejtkëndësh dhe e rrotullojmë rreth kavanozit, sipërfaqen e jashtme të tij e kemi lyer me vaj. E kthejmë kavanozin drejt dhe largojmë petën e mbështjellë rreth kavanozit. E mbushim me spinaqin e freskët dhe djathin. Mbledhim anët e petës dhe e punojmë me dorë, sipërfaqen e lyejmë me të verdhë veze dhe gjalpë dhe e pjekim në furrë në temperaturën 200 gradë Celsius.

MC/ReportTv.al
Komento
  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?