Byrek me kungull të verdhë nga zonja Vjollca

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

30 Shtator 2020, 11:12| Përditesimi: 30 Shtator 2020, 11:13

  • Share

Byrek me kungull të verdhë
Përbërësit:

1 pako peta

1 kg tul kungull I verdhë

150 gr gjalp dhe 3 lugë gjelle vaj

1 gotë qumësht

120 gr sheqer

1 lugë gjelle miell

3 vezë

6-7 gjethe borzilok

pak kripë

Përgatitja:

Grijmë kungullin në rende e spërkasim me pak kripë, e trazojmë dhe e lëmë 10-15 minuta të pushojë. E shpëlajmë me ujë të ftohtë dhe më pas e kullojmë dhe e shtrydhim mirë.

Mbushja

Vendosim kungullin në një tas dhe 3 lugë gjelle gjalp, sheqer, kripë, I përziejmë mirë dhe 1 lugë gjelle miell e përziejmë si dhe 1 gotë qumësht, vezët dhe I përziejmë përsëri. E lëmë mënjanë mbushjen, shtojmë dhe disa gjithe borzilok . Lyejmë tepsinë me yndyrë dhe shtojmë 2 peta I spërkasim me yndyrë, vendosim përsëri 2 peta dhe përsëri spërkasim me yndyrë. Vazhdojmë përsëri duke spërkatur cdo dy petë. Pasi të kemi spërkatur 6-7 petë nuk spërkatim më petën e 7. Shtojmë mbushjen dhe e mbulojmë me petë duke spërkatur përsëri cdo 2 petë. Në fund mbledhim anët e spërkasim byrekun dhe e vendosim në furrë në temperaturë 190-200 gradë Celsius për 30 minuta. Pasi e nxjerrim nga furra e lëmë të pushojë 20 minuta më pas e servirim.

D.M./ReportTv.al
Komento
  • Sondazhi i ditës:

    Minimumi jetik në vend 184 euro për person, a është i mjaftueshëm?