Janë rreth 700 banorë të fshatit Burimas në Maliq që prej vitesh ankohen për ujin e ndotur. Bashkia prej një viti po investon për rrjetin e ri, por në çezma sërish uji është i ndotur. Ujësjellësi shfajësohet duke thënë se ende s’ka marrë vepren në dorëzim.
Banorët e fshatit Burimas në Maliq, një zonë që ka marrë emrin falë pasurive ujore nëntoksore furnizohet me ujë të ndotur edhe pse bashkia ka investuar në rrjetin e ri ujësjellës. Janë rreth 700 banorë që ende mbushin ujin e pijshëm në burimin e fshatit. Ndërsa ujin e çezmës e përdorin vetëm për tu larë. Ata ankohen se vujanë nga infeksionet në lëkurë për shkak të ndotjes bakterale.
“Uji kemi 24 orë por është i pa pijshëm. Kemi bërë dhe analiza por është i pa pijshëm. Ne mbushim në burim për të pirë, ndërsa këtë të ccezmës vetëm për të larë. Por sërish kemi merak se as për të larë nuk bën se kemi krurje të lëkurës. U vendosen tubat e rrjetit të ri, por sërish vjen i ndotur. Ja shikoje si është ngjyrë jeshil”, thanë banorët e Burimasit në Maliq.
Përfaqësues të Ujësjellës Kanalizimeve Korçë-Maliq jashtë kameras thanë prej një viti bashkia po investon në rrjetin e ri ujësjellës, por punimet ende nuk kanë përfunduar. Ata u shfajësuan duke thënë se nuk mbajnë përgjegjësi derisa të marrin veprën në dorëzim.
M.T//ReportTv.al