Dy vëllezër janë plagosur me thikë nga një person tjetër. Ngjarja ka ndodhur rreth orës 20.00, në qytetin e Bulqizës dhe dyshimet e para janë se sherri ka ndodhur pas një konflikti të çastit.
"Dyshohet se pas një konflikti për motive të dobëta shtetasi E.T., ka plagosur me mjet të mprehtë (thikë) shtetasit D.N., dhe A. N., (vëllezër), të cilët po marrin ndihmë mjekësore në spital dhe ndodhen jashtë rrezikut për jetën", sqaron policia.
Por burime për Report TV bëjnë të ditur se njëri prej vëllezërve është sjellë me helikopter në Tiranë dhe ndodhet në gjendje të rëndë shëndetësore.
Burimet bëjnë të ditur se tre të rinjte ishin shok më njeri-tjetrin
Pas ngjarjes autori i dyshuar është larguar menjëherë dhe në ndjekje të tij janë vënë forcat e policisë. Ndërkohë grupi hetimor po punon për zbardhjen e rrethanave të plota të ngjarjes.
