Jam e lodhur nga autoritarizmi, mospërfillja e pushtetit ndaj shqiptarëve por dhe vetëpërmbajtja jonë e përhershme me frikën se mos ngatërrohemi me gjysmën tjetër të së ligës. Një mekanizëm i madh që prodhon imoralitet, korrupsion dhe fasadë! Këshillimi me shqiptarët NJË HIPOKRIZI E MADHE!
Çdo gjë është vendosur dhe paracaktuar.
Dhe meqë jemi tek KESHILLIMI, por për gjëra shumë më të rëndësishme siç është zgjedhja e PRESIDENTIT pse nuk i pyesni shqiptarët ?!
Se edhe këtë palaço President që kemi tani (shkakun e 21 janarit etj etj) Ju e zgjodhët jo ne! Ju keni dështuar në moral dhe në përzgjedhje ndaj 'SHUT UP'!!
Dhe këto broçkullat që do na e sillni Presidentin e ri nga jashtë Shqipërisë (gjoja do na e sillni nga Shqipëria shpirtërore-njihni ju shpirt?) kursejini, sepse nuk ja u lejon Kushtetuta e cila në mënyrë taksative thotë në Nenin 86!
"President mund të zgjidhet vetëm shtetasi shqiptar që nga lindja, me qëndrim jo më pak se 10 vjetët e fundit në Shqipëri".
Ka plot burra e gra dinjitoze Shqipëria, por si gjeni nëpër radhët tuaja as nëpër mediat që vetëm të shqiptarëve nuk janë!
Po ju nuk doni jashtë radhëve dhe shijeve tuaja, keni frikë! KAQ!
K.T./ReportTv.alKomente
Ne Shqiperi ka akoma figura me integritet te larte dhe jane jashte politikes. Kam shkruar edhe ne nje gazete tjeter , per mua nje figure e denje per president republike eshte edhe Zoti Perparim Kabo , nje enciklopedi e vertete
PërgjigjuDo preferoja si presidente nje grua, nje profesoreshe, nje pedagoge, konstitucionaliste qe kur kane nevoje per mendje pyesin ate sic eshte Aurela Anastasi. flm
PërgjigjuRespekte per zonjen Gjikondi. Gjithmone ka ditur tu bjere ne koke problemeve. E adhuroj.
Përgjigju