Charlotte Kelly ka jetuar me epilepsi për më shumë se 20 vjet dhe merr dy tableta në ditë për të menaxhuar gjendjen e saj. Por tani, për shkak të problemeve të furnizimit, ajo thotë se po detyrohet të racionojë medikamentet që i kanë mbetur.
“Nëse jam plotësisht e sinqertë, kam frikë se mund të mos marr asnjë mjekim për disa javë ose disa muaj”, tha ajo.
Është një gjendje që prek trurin dhe shkakton kriza të shpeshta, raportojnë mediat e huaja.
“Nëse nuk kam mjekimin tim, mund të kem kriza të shumta dhe kjo mund të çojë në shtrimin në spital dhe në rastin më të keq, vdekje”, tha ajo.
Charlotte thotë se do të merrte një furnizim në dhjetor për ta kaluar atë në dy muajt e ardhshëm. Por me problemet e raportuara të prodhimit, nuk ka asnjë garanci se kur ndonjë prej tyre do të jetë në magazinë tjetër.
Sipas shoqatës bamirëse të Epilepsy Society, mbi 600 mijë njerëz në Mbretërinë e Bashkuar e kanë këtë gjendje, ose rreth një në çdo 100 njerëz. Farmacistja e Londrës perëndimore Kay Dhillon thotë se ajo filloi të vërejë mungesa të produkteve tre javë më parë dhe se tani është në kulmin e krizës.
S.S/ReportTv.al
