Deputeti socialist Erion Braçe ka reaguar për problemet në sektorin bujqësor duke thënë se asnjë llogari e rreme nuk u sjell të ardhura bujqve. Në reagimin e tij në rrjete sociale, Braçe bëri një analizë dhe llogari për të ardhurat që fiton një bujk nëse mbjell një dynym serrë të thjeshtë me lakër sallatë.
Braçe thotë se një dynym serë ka 7000 bimë dhe produkti shkon nga 600 gramë në 1.2 kg dhe e gjithë e ardhura është 3500 euro, jo 8000-9000 euro.
Braçe: Boll! Llogaritë e rreme nuk u japin të ardhura bujqve! E ardhura për një dynym lakër sallatë është 3500 euro, jo 9000 euro"Boll! Llogaritë e rreme nuk u japin të ardhura bujqve! Sapo dëgjova një tregtar kastraveci për turshi që llogaria i kish thënë: me një dynyum serë të thjeshtë, një bujk nga lakra sallatë fiton 8000-9000 euro! Eeeeej, booooooll! Fotot janë të miat e i bëra në shkurt të këtij viti ne serën moderne të Visit në Divjakë. Llogaria është kjo: Një dynum serë ka 7000 bimë. Produkti shkon nga 600 gramë në 1.2 kilogramë.
Me kokrrën më të madhe, pra 1.2 kg, prodhimi arrin në 8400 kg. Cmimi këtë vit, caktuar nga tregtarë që operojnë në tregje të sofistikuara, ishte 30 lekë/kg. Por llogarinë po e bëj me cmimin 50 lekë/kg që të ndiheni edhe më mirë. E gjithë e ardhura nga një dynym serë me lakër sallatë është: 420.000 lekë ose 3500 euro!
Po ua fal të gjitha shpenzime, po e zë që Visit ja paguan të tjerët shpenzimet për mbjellje e kultivim. 9000 euro të ardhura bëhen vetëm nëse çmimi është dy herë e gjysmë më i lartë, pra 128 lekë/kg, jo 30 lekë/kg. Ndaj, ju lutem booooooooll!", shkruan Braçe.
1 / 4
2 / 4
3 / 4
4 / 4
Lajmi kryesor:
Prodhimet pa treg, Rama-fermerëve: Financim sipërmarrjeve të suksesshme! Mësoni nga strategjitë e njëri-tjetrit
A.M.//ReportTv.al