Kreu i diplomacisë europiane, Josep Borrell, ka mbërritur sot (6 Shkurt) në Kiev ndërsa u bëri thirrje vendeve anëtare të Bashkimit Europian për përforcimin e mbrojtjes së Ukrainës.
Kjo do të jetë vizita e katërt e Borrell në Kiev që nga fillimi i luftës në shkurt 2022. Kreu i diplomacisë europiane tha se nevojitet një përpjekje për të mbështetur Kievin.
“Nuk është vetëm çështje kohe. Bëhet fjalë për sasinë dhe cilësinë e sistemeve të armëve. Dhe sigurisht që ne duhet të bëjmë gjithnjë e më shumë sepse Ukraina duhet të fitojë”, tha ai.
Megjithatë, ai pranoi javën e kaluar se Bashkimi Europian nuk do të jetë në gjendje t’i sigurojë Ukrainës me një milion predha deri në mars, siç kishte premtuar fillimisht Brukseli.
Pothuajse 520 mijë do të dorëzohen, që është rreth 52% e objektivit. Sipas shifrave të BE-së, kapaciteti i prodhimit të predhave në Europë është rritur me 40% që nga fillimi i luftës dhe pritet të arrijë në 1.4 milionë deri në fund të vitit 2024.
Në konferencën për shtyp që dha dje në Varshavë, Borrell theksoi se “mënyra më e shpejtë, më e lirë dhe më efektive për të rritur furnizimin me municione në Ukrainë do të jetë ndalimi i eksporteve në vendet e treta.
Back in Kyiv for my fourth visit since the start of Russia’s full scale invasion.
— Josep Borrell Fontelles (@JosepBorrellF) February 6, 2024
Here to discuss with our Ukrainian friends the EU’s unwavering support to Ukraine - on military side, on the financial side with the new Ukraine facility, as well as on the EU reform path. pic.twitter.com/fnvZuYWOJv
