Takimi i radhës i kryeministrit të Kosovës, Albin Kurtit, dhe presidentit të Serbisë, Aleksandar Vuçiç, do të zhvillohet me 14 shtator, ka njoftuar në një konferencë për shtyp në Toledo, Spanjë përfaqësuesi i Lartë i BE-së për Politikë të Jashtme dhe Siguri, Josep Borrell.
Në një konferencë për media në Spanjë, Borrell ka njoftuar se bashkë me Presidencën Spanjolle të BE-së synojnë një takim të ministrave të shteteve anëtare të BE-së me ministrat e Jashtëm të Ballkanit Perëndimor për ta analizuar situatën në rajon.
Borrell tha se ky takim do të mbahet në fund të shtatorit.
“Më 14 shtator do të mbaj takim të ri të nivelit të lartë në dialogun mes Kosovës dhe Serbisë, si lehtësues, për të kërkuar zgjidhje. Çështja e zgjerimit ka qenë në diskutimet tona. Kemi diskutuar për Ukrainën dhe për zgjerimin drejt Ballkanit perëndimor. Do të mbetet proçes i zbatuar në meritat individuale. BE-ja ka nevojë të përgatitet për zgjerim”, ka thënë ai pas njoftimit për propozimin spanjoll për takim me ministrat e Ballkanit.
Ju rikujtojmë se takimi i fundit mes Kurtit dhe Vuçiç ishte në fillim të majit.
S.S/ReportTv.alKomente
Pas nazeve si patriot, Albin Kurti do te pranoje Asociacionin si tradhtar.
Përgjigju