Superylli i boksit Canelo Alvarez ka akuzuar Lionel Messin për fyerje të Meksikës pasi Argjentina fitoi ndeshjen e saj në Kupën e Botës 2-0 të shtunën. Sulmuesi i Paris Saint-Germain shënoi një gol të shkëlqyer për t'i vendosur Albicelestes në rrugën e tyre drejt një fitoreje vendimtare pasi humbën ndeshjen e tyre të parë 2-1 ndaj Japonisë.
Argjentina tregoi festimet e saj në dhomën e zhveshjes në rrjetet sociale pas ndeshjes. Por pamjet e shfaqura zemëruan tifozët e Meksikës. Pamjet treguan një fanellë të Meksikës në dysheme, përballë vendit ku ishte ulur Messi dhe sulmuesi argjentinas e kapi fanellën meksikane me këmbën e tij gjatë momentit që ulej pas festimeve me bashkëlojtarët e tij.
Dhe kjo e zemëroi boksierin e njohur Canelo Alvarez i cili tha se Messi kishte treguar mungesë respekti duke e shkelur fanellën e Meksikës në dysheme, raportojnë mediat e huaja.
“A e keni parë Messin duke pastruar dyshemenë me fanellën dhe flamurin tonë. Më mirë t'i lutet Zotit që të mos e gjej. Ashtu siç unë respektoj Argjentinën, ju duhet të respektoni Meksikën! Nuk po flas për vendin, po flas për Messin”- shkroi Canelo.
Argjentinës i duhej fitorja për të mbajtur gjallë shpresat për përparim nga grupi i saj dhe Messi ishte i entuziazmuar me fitoren.
