Deputeti i PD, Luciano Boçi ka denoncuar situatën në spitalin rajonal të Elbasanit duke thënë se janë pezulluar operacionet e të gjitha niveleve të planifikuara.
Sipas tij, rrezikohet edhe shërbimi i urgjencës pasi nuk ka materiale e mjete mjekësore deri te garza e lekoplast.
Teksa akuzon Ramën për shfaqje, Boçi shkruan se situata ka degraduar dhe njerëzit blejnë në farmaci dhe gjërat më elementare, siç është aparati i serumit që kushton vetëm 20 lekë.
“Nga sot në spitalin rajonal të Elbasanit janë pezulluar operacionet e të gjitha niveleve të planifikuara. Rrezikohet madje dhe shërbimi i urgjencës.
Nuk ka materiale e mjete mjekësore deri dhe garza e lekoplast. Situata ka degraduar sa njerëzit blejnë në farmaci dhe gjërat më elementare, siç është aparati i serumit që kushton vetëm 20 lekë.
Njerëzit janë të pashpresë! Rama vazhdon shoën e radhës”, shkroi Boçi.
